لما تدخل بجوجل منآخد اسمك وإيميلك ورقم حسابك عندن، ولما تدخل بالإيميل منآخد إيميلك بس، لحتى نعرفك لما ترجع. وبعدها الاسم واسم المستخدم والمدينة يلي بتكتبن، وإذا بنت أو شب، وتاريخ ميلادك، وصورتك إذا حطيت وحدة.
ما منشوف كلمة السر تبعك، ولا أصحابك، ولا منكتب أي شي باسمك على جوجل أو فيسبوك.
وقت تطلب كود زيارة منتأكد إنك جنب المكان. منحفظ قديش كنت بعيد عنو بس، مو وين كنت.
حسابك وصورتك ونقاطك وزياراتك محفوظين عنا. صورتك بتتصغّر على موبايلك قبل ما توصلنا، وبينشال منها مكان التصوير. يلي بتتابعن ويلي عاجبينك بيضلّو على موبايلك.
اسمك واسم المستخدم وصورتك وشارتك بيبيّنوا للاعبين التانيين. إيميلك وتاريخ ميلادك وعمرك ما حدا بيشوفن غير فريق تَكْتَكَة. منسأل عن تاريخ الميلاد لأنو التطبيق للي عمرن 13 سنة أو أكتر.
ابعتلنا على privacy@taktake.com من نفس الإيميل يلي دخلت فيه، ومنمسح حسابك وكل شي إلو علاقة فيه خلال 30 يوم.
آخر تحديث: تشرين الأول 2026